İranda bir gündə koronadan 389 nəfər öldü

Son 24 saat ərzində İranda 12 min 950 nəfər koronavirusa yoluxub, 389 nəfər isə həyatını itirib.

Press.az xəbər verir ki, bu barədə məlumatı İranın Səhiyyə Nazirliyinin mətbuat katibi Sima Səadət Lari gündəlik mətbuat konfransında verib. Bununla da İranda virusa yoluxanların ümumi sayı 948 min 749-a, yoluxaraq ölənlərin sayı isə 47 min 875-ə çatıb.

Xüsusi xəstəxanalarda müalicəsini davam etdirən 5 min 859 nəfərin vəziyyəti ağır olaraq qalır. Müalicəsi uğurla bitən 658 min 292 nəfər isə sağalaraq evə buraxılıb.