Bu ölkə koronavirusdan ölən səhiyyə işçilərinin sayına görə liderdir

Meksika koronavirusdan ölən səhiyyə işçilərinin sayına görə digər ölkələri qabaqlayır.

Press.az APA-ya istinadən bildirir ki, bu barədə "Amnesty International"ın hesabatında qeyd olunub.

Hesabatda bildirilir ki, pandemiya başlayandan bəri Meksikada 1320 səhiyyə işçisi bu infeksiyaya yoluxaraq vəfat edib.

ABŞ-da 1077, Britaniyada 649, Braziliyada isə 634 səhiyyə işçisi koronavirusdan ölüb.

Təşkilatın yaydığı hesabata görə, COVID-19 pandemiyası yayıldığı gündən indiyədək ümumilikdə dünyada 7000-dən çox səhiyyə işçisi həyatını itirib.