Qazaxıstanda COVID-19-la bağlı vəziyyət pisləşdi: Karantin tətbiq olunacaq

Qazaxıstan hökuməti koronavirus infeksiyasının yayılmasının qarşısını almaq üçün karantin tətbiqi planını təqdim edib.

Gazeta.ru-nun məlumatına görə, bu barədə Qazaxıstan Prezidenti Kasım-Jomart Tokayev “Twitter” hesabında yazıb.

Plan iyulun 5-dən iki həftə müddətində karantin tətbiq olunmasını nəzərdə tutur. Lakin dövlət başçısı müddətin uzadılmasını istisna etməyib.

K.Tokayevin sözlərinə görə, bu barədə ölkənin Səhiyyə naziri iyulun 2-də qurumlararası komissiyanın iclasından sonra açıqlama verəcək.

Qeyd olunur ki, Qazaxıstanda sərt tədbirlərə qayıtmaq ehtiyacı məhdudiyyətləri aradan qaldırdıqdan sonra ölkədə koronavirusa yoluxma hallarının sayının yeddi dəfə artması ilə əlaqədardır.