Bu ölkədə koronavirusa yoluxanların sayı iki ay ərzində rekord həddə çatıb

Rumıniyada koronavirusa yoluxanların sayı 25 min 286 nəfərə çatıb.

Press.az AZƏRTAC-a istinadən bildirir ki, son 24 saat ərzində 460 yeni yoluxma hadisəsi baş verib. Koronavirusdan ölənlərin sayı 1565 nəfərdir.

Qeyd edək ki, Rumıniya Prezidenti Klaus Yohannis xəstələrin sayının artması ilə əlaqədar narahatlığını bir daha bildirib. O, vətəndaşları sanitar normalara riayət etməyə, sosial məsafə saxlamağa çağırıb.