Moskvada son sutka koronavirusdan 76 nəfər dünyasını dəyişib

Rusiyanın paytaxtı Moskvada son sutka ərzində koronavirusdan daha 76 nəfər ölüb.

Press.az Trend-ə istinadən xəbər verir ki, bu barədə Moskvada koronavirusla əlaqəli vəziyyətin monitorinqi üzrə operativ qərargahdan bildiriblər.

Məlumatda deyilir: "Moskvada pnevmoniya diaqnozu qoyulan və koronavirus infeksiyası aşkarlanmış 76 xəstə dünyasını dəyişib".

Ümumilikdə paytaxtda 2 330 nəfər koronavirusdan ölüb.