Dünyada koronavirus qurbanlarının sayı 320 mini ötüb.
Press.az bu barədə xarici mətbuata istinadən xəbər verir.
Qeyd edilib ki, pandemiya ərzində COVID-19 infeksiyasının qeydə alındığı ölkələrdə virusdan ölənlərin ümumi sayı 320 313 nəfər təşkil edir.
Bundan başqa, dünyada ümumilikdə 4 904 299 insan koronavirusla bağlı analizlərin müsbət nəticəsini alıb, COVID-19-a yoluxmuş 1 915 386 insan sağalıb.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.