Rusiyada pandemiya qurbanlarının sayı 17-yə çatdı

Rusiyada son sutkada 8 nəfər koronavirusdan ölüb.

Press.az “RİA Novosti”yə istinadən xəbər verir ki, bunu ölkənin Operativ Qərargahı açıqlayıb.

Bildirilib ki, ölümlərin 5-i Moskvada qeydə alınıb və ümumilikdə ölkədə virusdan ölənlərin sayı 17-yə çatıb.

Məlumatda həmçinin vurğulanıb ki, koronavirusa yoluxmuş 55 nəfər sağalaraq xəstəxanadan evə buraxılıb. 

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 200 ölkə və bölgədə qeydə alınıb.