İstanbuldan bir neçə şəhərə təyyarə reysləri təxirə salınıb

Qeyri-sabit hava şəraiti səbəbindən İstanbul hava limanından icra olunması gözlənilən bəzi daxili uçuşlar təxirə salınıb.

İstanbuldan Hatay, Adana və Antalyaya uçuşlar yubanır.

İntensiv yağış səbəbindən bu gün ərzində Hataya heç bir uçuş həyata keçirilməyib. Adana və Antalyaya uçuşlar isə müəyyən fasilələrlə yerinə yetirilir.

Hatay, Adana və Antalyada güclü yağışlar davam edir.//"Report"