Fransanın Marsel şəhərində gecə klubunun qarşısında baş verən atışmada azı üç nəfər ölüb.
Press.az xəbər verir ki, bu barədə BFM telekanalı məlumat yayıb.
Belə ki, naməlum şəxs avtomobildən 5 nəfərin olduğu dayanacağa "Kalaşnikov" avtomatından atəş açıb. Üç nəfər ölüb, digər ikisinin vəziyyəti isə açıqlanmır.
Hadisədən bir müddət sonra atəş açılan avtomobil yanmış halda tapılıb.