Alen Delonun oğlu olduğu iddia edilən şəxs mənzilində ölü tapılıb

Fransız aktyoru Alen Delonun oğlu olduğu iddia edilən fotoqraf Kristian Aaron Boulone Parisdəki mənzilində ölü tapılıb. Onun 60 yaşı olduğu bildirilir.

Məlumata görə, hadisə vaxtı mərhumun yanında qadın olub.

Lakin qadının səhhəti pisləşən şəxsə yardıma cəhd etməməsi hüquq mühafizə orqanlarında şübhələrə yol açıb.

Bu səbəbdən qadın həbs edilib.

Qeyd olunur ki, qadın ölüm şəraiti aydınlaşana qədər həbsdə qalacaq.

(oxu.az)