"Kılıçdaroğlu məni təcili nazir təyin etsin" - VİDEO

Süleyman Soylunun öhdəsindən ancaq mən gələ bilərəm.

Press.az xəbər verir ki, “Sözcü TV”-də yayımlanan "Böyük şahmat taxtası" verilişində çıxış edən Demokrat Partiyasının sədr müavini və millət vəkili Camal Enginyurtun  “Kamal Kılıçdaroğlu məni təcili olaraq daxili işlər naziri etdiyini açıqlamalıdır. Süleyman Soylunun öhdəsindən ancaq mən gələ bilərəm. Bunu yalnız mən bacararam” deməsi, ciddi ironik reaksiyaya səbəb olub.

Hətta telekanalda verilişin aparıcısı və digər qonaqlar özlərini güclə saxlayıblar.

Çıxışına davam edən Enginyurt  əlavə edib ki, ancaq o, Süleyman Soyluya onun başa düşə biləcək dildə cavab verməyə hazırdır. “Ondan hesabı ancaq mən sora bilərəm. Bunu da sizin vasitənizlə Kamal bəyə tövsiyə edərəm. Məni daxili işlər naziri elan edə bilər”, - o qeyd edib.