Sinan Oğan bu gün, ya da sabah qərarını açıqlayacaq.
Press.az xəbər verir ki, belə bir iddia ilə siyasi ekspert Ferhat Murat “Tv100”nin proqramında mayın 28-də Türkiyədə keçiriləcək seçkilərin ikinci turu ilə bağlı müzakirələr zamanı çıxış edib.
“Sinan Oğan Rəcəb Tayyib Ərdoğanla bugünkü toplantıdan sonra sabah (yəni mayın 20-də-red) “Cümhur İttifaqı”na dəstək verdiyini açıqlayacaq. Çox güman ki, sabah olmasa da, ertəsi gün dəstək verdiyini açıqlayacaq. O, öz fikrini açıqlayacaq”, - siyasi ekspert açıqlayıb.
Ekpsert onu da bildirib ki, Sinan Oğan bu dəstəyi əvəzində “Cümhur İttifaqı” qarşısında hər hansı bir vəzifə əldə etmək məsələsini irəli sürməyəcək: “İstənilən vitse-prezidentlik, nazirlik və hər hansı digər siaysi bazarlıq olmayacaq. 5 faiz səs verənin böyük bir qismi millətçilərdir. Türkiyənin təhlükəsizlik məsələsi bir müzakirə mövzusudursa, o zaman şəxsi siyasi ambisiya məsələsi arxa plana keçəcək. Belə bir məqamda hər hansı məqam və mövqe ilə bağlı siyasi bazarlaşma olmayacaq”.
Müzakirələrdə iştirak edən digər ekspert Şaban Sevinç isə hesab edir ki “Cümhur İttifaqı”nı dəstəkləməsi qərarı Sinan Oğanla Ümit Özdağ arasında fikirayrılığına səbəb ola bilər. “Amma bunu indidən demək tezdir”,- o qeyd edib.