Türkiyədə prezident seçkilərinin ilk turunun yekun nəticələri açıqlandı - YENİLƏNİB

Türkiyənin Ali Seçki Şurası ölkədə keçirilən prezident seçkilərinin ilk turunun yekun nəticələrini açıqlayıb.

Müvafiq sənədlər “Resmi Gazete”də dərc olunub.

Yerli, beynəlxalq və gömrük məntəqələrindən əldə olunan nəticələrinə görə, Rəcəb Tayyib Ərdoğan 49,52 faiz, Kamal Kılıçdaroğlu 44,88 faiz, Sinan Oğan 5,17, Məhərrəm İncə isə 0,43 faiz səs toplayıb.

09:32

Türkiyədə prezident seçkisi ikinci tura qalıb, qardaş ölkə mayın 28-də yenidən seçkiyə gedəcək.

Seçki təqvimində etirazların həlli üçün verilən müddət başa çatıb. Yekun nəticələr bu gün açıqlanacaq.

Prezident seçkisinin ikinci turunda ilk səslər xaricdə və gömrük-keçid məntəqələrində veriləcək.

Səsvermə mayın 20-də xaricdəki nümayəndəliklərdə başlayacaq və beş gün ərzində yekunlaşacaq. Xaricdə olan seçicilər mayın 28-i saat 17:00-dək gömrük-keçid məntəqələrində səs verə biləcəklər.

Namizədlər - hazırkı Prezident Rəcəb Tayyib Ərdoğan və Kemal Kılıçdaroğlu - birinci turda olduğu kimi, TRT-də iki dəfə təbliğat xarakterli çıxışlar edəcəklər.

Təbliğat mərhələsi mayın 27-si saat 18:00-da başa çatacaq.

Mənbə: TRT Haber