Türkiyə-İran sərhədində zəlzələ oldu

Türkiyənin Van vilayətində zəlzələ qeydə alınıb.

Press.az xəbər verir ki, bu barədə AFAD-ın rəsmi tviter səhifəsində məlumat yayılıb.

Bildirilib ki, vilayətin Başkale rayonunda baş verən yeraltı təkan Rixter şkalası ilə 5.3 ballıq maqnituda ilə qiymətləndirilib.

Zəlzələ İranın Qərbi Azərbaycan ostanının Xoy şəhərində də hiss olunub.

Ocağı yerin 3.7 kilometr dərinliyində yerləşən zəlzələdən sonra itki və dağıntılar barədə məlumat verilməyib.