Türkiyə XİN: "İslamofobiyaya qarşı mübarizəmizi davam etdirəcəyik”

“BMT, ATƏT, İƏT kimi beynəlxalq və regional təşkilatlarda islamofobiyaya qarşı mübarizəmizi davam etdirəcəyik”.

Press.az xəbər verir ki, bu barədə Türkiyə Xarici İşlər Nazirliyinin (XİN) Beynəlxalq islamofobiyaya qarşı Mübarizə Günü ilə bağlı yaydığı bəyanatında bildirilib.

Qeyd olunub ki, bəzi Qərb ölkələrində “Quran”ın yandırılması islamofobiyanın təzahürüdür:

“Dinə qarşı nifrətin artdığı bu həssas dövrdə beynəlxalq ictimaiyyət qarşılıqlı hörmət prinsipi əsasında birgəyaşayışın təmin olunmasına çalışmalıdır”.