Avropa İttifaqının xarici işlər nazirləri Ukraynaya 500 milyon avro məbləğində silah-sursat üçün maliyyənin yeddinci tranşının ayrılması barədə razılığa gəliblər.
Press.az xəbər verir ki, hazırda Aİ Şurasına sədrlik edən İsveç nümayəndəliyinin məlumatına görə, pul Avropa Sülh Fondundan ayrılacaq.
“Biz Ukrayna Silahlı Qüvvələrinə dəstəyimizə sadiq qalırıq”, - bəyanatda deyilir.
Bu tranşı nəzərə alsaq, Ukraynanın silahlanması üçün Avropa Sülh Fondundan ayrılan vəsaitin ümumi məbləği 3,6 milyard avro təşkil edir.