Yanvarın 20-də Ukraynaya dəstək üzrə təmas qrupunun iclası keçiriləcək

Ukraynaya dəstək üzrə təmas qrupunun növbəti, səkkizinci görüşü yanvarın 20-də Almaniyanın Ramşteyn aviabazasında keçiriləcək.

Press.az xəbər verir ki, bu barədə NATO-nun mətbuat xidmətindən bildirilib.

ABŞ-ın müdafiə naziri Lloyd Ostinin sədrliyi ilə baş tutacaq iclasda Ukrayna böhranı və bununla bağlı NATO-nun üzləşdiyi təhlükəsizlik məsələləri müzakirə olunacaq.

Toplantı çərçivəsində Alyansın baş katibi Yens Stoltenberqin Ukraynanın müdafiə naziri Oliksiy Reznikovla görüşü gözlənilir.