Qırğızıstan parlamentinin binasında yanğın baş verib

Qırğızıstan parlamentinin binasında yanğın baş verib.

Press.az “İnterfaks”a istinadən xəbər verir ki, bu barədə parlamentin işçiləri məlumat veriblər.

Bildirilib ki, binadan işçilərin təxliyəsi başlayıb.

İlkin məlumata görə, yanğın zirzəmidə baş verib.

Fövqəladə Hallar Nazirliyindən vurğulanıb ki, parlament binası strateji obyekt hesab olunduğu üçün hadisə yerində 6 yanğınsöndürmə briqadası işləyir.

Zərərçəkənlər barədə məlumat yoxdur.