Ukrayna dronu Donbassda əsgəri əsir götürdü - VİDEO

Bu mübarizədə dronlar böyük rol oynayır.

Press.az xəbər verir ki, Ukrayna dronlarının havada döyüşünü əks etdirən videodan sonra indi də başqa bir dron görüntüsü yayımlanıb. Videogörüntüdə Ukrayna dronu Donetsk istiqamətində “Vaqner” əsgərini əsir götürür.

Video könüllü Serqey Pritula tərəfindən paylaşılıb. Görüntülər ona 54-cü Xüsusi Mexanikləşdirilmiş Briqadanın K2 bölməsindən təqdim edilib.  

“Bu uğursuzun bölməsi məhv edildi, ona görə də onun əllərini və ağ bayrağı qaldırmaqdan başqa çarəsi qalmadı. Dron gəldi, “Arxamca gəl” işarəsini verdi və əsgərlərimizin onu gözlədiyi yerə apardı”, - deyə o, videoya verdiyi şərhdə bildirib.