ABŞ-dan Rusiyaya YENİ SANKSİYA

ABŞ Rusiyanın nəzarətində olan Qvatemaladakı mədən şirkətlərinə qarşı sanksiyalar tətbiq edib.

Press.az xəbər verir ki, bu barədə ABŞ Maliyyə Nazirliyi məlumat yayıb.

Qeyd olunub ki, rusiyalı Dmitri Kudryakov və Belarus vətəndaşı İrina Litvinyukun adı qara siyahıya daxil edilib, onlar Qvatemalada dağ-mədən sektorunun istismarında ittiham edilirlər.

Eyni zamanda, Qvatemaladakı "Compania Guatemalteca de Niquel", "Compania Procesadora de Niquel" və "Mayaniquel" şirkətlərinə də sanksiyalar tətbiq olunub.