Dünən Kiyevdə raket zərbəsinə məruz qalan binanın 27 sakini təxliyə edilib, xəsarət alan uşağın vəziyyəti qənaətbəxşdir.
Bu barədə məlumat telemarafonunda Kiyev meri Vitali Kliçko bildirib.
Kliçko vurğulayıb ki, zərbə nəticəsində 1 nəfər ölüb, 4 nəfər xəstəxanaya yerləşdirilib.
Onun sözlərinə görə, xəsarət alan uşağın vəziyyəti qənaətbəxşdir və stabildir. Həkimlər onun səhhətinə təhlükə olmadığını bildirirlər.
Kliçko əlavə edib ki, xilasedicilər dağıntıları sökməyə davam edirlər. Bundan sonra binaya baxış keçirəcək və onun sonrakı istismarının mümkünlüyü barədə nəticə çıxaracaq komissiya işə başlayacaq.
Press.az