Qırğızıstanla Tacikistan arasında qanlı toqquşma başlayıb

Qırğızıstan-Tacikistan sərhədində iki dövlətin hərbçiləri arasında baş verən atışma zamanı 6 hərbçi yaralanıb.

Daha əvvəl yaralıların 3 nəfər olduğu bildirilirdi.

Qırğızıstan-Tacikistan sərhədində iki dövlətin hərbçiləri arasında atışma olub.

Bu barədə Qırğızıstanın Sərhəd Xidməti məlumat yayıb.

“Yanvarın 27-si yerli vaxtla saat 18:30-a (Bakı vaxtı ilə 16:30-red) olan məlumata görə, dövlət sərhədinin Qırğızıstan-Tacikistan hissəsində vəziyyət gərgin olaraq səciyyələnir”, - məlumatda qeyd olunub.

Bildirilib ki, saat 17:30-dan 18:00-a qədər Tacikistan Milli Təhlükəsizlik Dövlət Komitəsinin sərhəd qoşunlarının əməkdaşları Tərt-Keçə Batken rayonunun ərazisindən keçən Batken-İsfana yolunu birtərəfli qaydada bağlayıblar.

Qeyd edək ki, Tacikistanla Qırğızıstan arasındakı sərhədin uzunluğu təxminən 950 km-dir. Sovet İttifaqının dağılmasından sonra iki ölkənin sərhədində onlarla mübahisəli ərazi qalıb. Demarkasiya və delimitasiya üzrə danışıqlar prosesi 2002-ci ildə intensivləşib və o vaxtdan bəri komissiyaların və işçi qrupların 200-ə yaxın iclası keçirilib. Hazırda sərhədin delimitasiyası və demarkasiyası prosesində sərhəddən keçən xəttin 550 km-ə yaxını artıq təsvir edilib. Lakin indiyədək iki ölkənin sərhədində bəzən yerli sakinlər arasında münaqişələr yaranır ki, bu da tez-tez atışmalarla müşayiət olunur.

Qırğızıstan tərəfinin atəşkəslə bağlı tələblərinə tacik hərbçiləri məhəl qoymur”.

Bu barədə Qırğızıstan Sərhəd Xidməti məlumat yayıb.

“Tacikistan hərbçilərinin sərhəddəki məlum hərəkətləri razılaşdırılıb ki, bu da onların təxribata qabaqcadan hazır olduğunu təsdiqləyir. Tacikistan sərhədçilərinin öz arsenalına aid olmayan minaatanlardan atəş açması, silahlı qüvvələrin qüvvə, vasitələrindən istifadə etməsi ölkələr arasında beynəlxalq və ikitərəfli müqavilələrin kobud şəkildə pozulması deməkdir”, - məlumatda vurğulanıb.

Qeyd edək ki, Qırğızıstan tərəfi, həmçinin bildirib ki, Tacikistan hərbçilərinin sərhəddə vəziyyəti gərginləşməsi səbəbindən ölkənin bir neçə kəndi işıqsız qalıb.

Əsasən Qırğızıstanın Batken vilayətinin bir hissəsinə elektrik enerjisinin verilişi kəsilib.

KTMT-nin baş katibi Stanislav Zas Qırğızıstan və Tacikistan sərhədində baş verənlərlə bağlı tərəfləri dərhal atəşkəsə əməl etməyə çağırıb.

Bunu KTMT-nin sözçüsü Vladimir Zaynetdinov jurnalistlərə açıqlamasında bildirib.

Zaynetdinovun sözlərinə görə, S.Zas Tacikistan Təhlükəsizlik Şurasının katibi Nasrullo Mahmudzoda və Qırğızıstan Təhlükəsizlik Şurasının katibi Marat İmankulov ilə telefon danışığı aparıb: “KTMT-nin baş katibi Qırğızıstan və Tacikistan sərhədində tərəfləri dərhal atəşkəsə əməl etməyə çağırıb”.

Zas bildirib ki, sərhəddə yenidən toqquşmaların baş verməsi, nəticədə yaralıların olması ciddi narahatlıq doğurur: “Tacikistan-Qırğızıstan sərhədində silahlı qarşıdurma dərhal dayandırılmalıdır. Münaqişə müstəsna olaraq danışıqlar masası arxasında sülh yolu ilə həll edilməlidir. Bununla belə, KTMT Qırğızıstan və Tacikistana münaqişənin həllində lazımi yardım göstərməyə hazırdır. Əminəm ki, hər iki KTMT üzvü olan dövlətin rəhbərliyi bu mürəkkəb sərhəd probleminin həlli üçün qarşılıqlı məqbul yollar tapacaq.