Virus mənşəli xəstəliklərdə antibiotik istifadəsi nə dərəcədə düzgündür? - AÇIQLAMA

Virus mənşəli xəstəliklərdə antibiotik istifadəsi o zaman düzgün ola bilər ki, infeksiya ağırlaşmağa doğru getsin.

Press.az xəbər verir ki, bunu Trend-ə açıqlamasında həkim-pediatr Aytən İsmayılzadə deyib.

Onun sözlərinə görə, virus infeksiyası başlayan kimi antibiotik istifadəsi düzgün deyil, çünki bu zaman immunitet zəifləyir və yersiz təyinat olur.

"Daha sonra ağırlaşma olduqda isə artıq antibiotikin təyinatı dəyişməli olur, çünki antibiotik virusa təsir etmir. Lakin elə viruslar var ki, çox tez bir zamanda immuniteti zəiflədir. Ona görə də 3 gündən sonra ağırlaşmalar müşahidə oluna bilər və bu zaman antibiotikə keçid edilir.

Əgər uşaqlarda hərarət düşmürsə və ümumi halsızlıq, başağrısı, iştahsızlıq davam edirsə, qan analizi verilir və qanda iltihab göstəriciləri yüksəlmiş olur. Bu səbəbdən antibiotik istifadəsinə başlanılır", - deyə o bildirib.