First slide

BMT KTMT-nin Qazaxıstana hərbi qüvvələrin yerləşdirilməsi ilə bağlı məktubunu yayıb

07 Jan 2022 rating_stars rating_stars rating_stars rating_stars rating_stars

Kollektiv Təhlükəsizlik Müqaviləsi Təşkilatının (KTMT) baş katibi Stanislav Zasın Qazaxıstanda vəziyyəti normallaşdırmaq üçün sülhməramlı qüvvələrin bu ölkəyə göndərilməsi ilə bağlı məktubu BMT Təhlükəsizlik Şurasında yayılıb.

Bu barədə Press.az xarici mətbuata istinadən xəbər verir.

Sənədi Ermənistanın BMT-dəki daimi nümayəndəliyi dünya təşkilatının baş katibi Antoniu Quterreşə və Təhlükəsizlik Şurasının sədri, Norveç missiyasının rəhbəri Mon Yuula göndərib.

Məktubda qeyd olunur ki, Kollektiv Təhlükəsizlik Müqaviləsi Təşkilatı Qazaxıstan Respublikasının Prezidenti Qasım-Jomart Tokayevin müraciəti əsasında, bu ölkənin milli təhlükəsizliyinə, suverenliyinə təhlükəni nəzərə alaraq və Kollektiv Təhlükəsizlik haqqında Qanunun 2 və 4-cü maddələrini rəhbər tutaraq kollektiv qüvvələrinin qoşunlarının qüvvə və vasitələri ilə Qazaxıstan Respublikası ərazisində sülhməramlı əməliyyat keçirməyi qərara alıb.

Oxşar xəbərlər
OTACI
OTACI