Belarus Rusiyadan 1 milyard dollardan çox məbləğdə silah alacaq

Belarus Rusiyadan ümumi dəyəri 1 milyard dollardan artıq olan silah-sursat almağı planlaşdırır.

Bunu Belarus prezidenti Aleksandr Lukaşenko bəyan edib.

O, həmçinin S-400 komplekslərinin alınması perspektivlərinin müzakirə olunduğunu bildirib.

Dövlət başçısının sözlərinə görə, hazırda S-300 sistemləri ölkənin Qərb istiqamətini tam olaraq qoruyur. Lakin artıq Cənub istiqamətindən də təhdidlər meydana çıxıb.

Mənbə: “BelTA”