logo
First slide

Nazir müavini: “Karantin rejimi ilə bağlı aidiyyatı qurumlarla əlaqələr gücləndirilib”

31 Mar 2020 rating_stars rating_stars rating_stars rating_stars rating_stars

“2019-cu il kənd təsərrüfatı sahəsində uğurlu il olub. Ötən il məhsul istehsalında biz rekord göstəricilərə nail olmuşuq, eyni zamanda kənd təsərrüfatı məhsullarının ixracında da yüksək nəticələrimiz qeydə alınıb”.

Bu barədə açıqlamasında Kənd Təsərrüfatı nazirinin müavini İlham Quliyev deyib. 

Onun sözlərinə görə, bu il dünyada koronavirus pandemiyasının yayılması, xarici ölkələrlə əlaqələrin azalması müəyyən mənada ixraca öz təsirini göstərir: “Təbii olaraq koronavirus pandemiyasının dünya iqtisadiyyatına təsiri məlumdur. Eyni zamanda, bunun təsiri iqtisadiyyatımızdan da yan keçmir. İqtisadiyyatımızın bir qolu kimi kənd təsərrüfatı istehsalına müəyyən təsirləri var. Bilirsiniz ki, ölkələr arasında ərzaq məhsullarının daşınması qadağan edilməyib, bu əlaqələr var. Lakin az miqdarda təsir edə bilər. Çünki, qonşu ölkələrdə, bizim ixrac etdiyimiz ölkələrdə təlabatların pandemiya ilə əlaqədar olaraq azalması müşahidə edilir. Bununla bağlı, ola bilər ki bizim ixraca təlabat azalsın. Bu, haradasa öz təsirini göstərə bilər”. 

Nazir müavini əlavə edib ki, bu təsirin azaldılması və minimuma endirilməsi məqsədi ilə Kənd Təsərrüfatı Nazirliyi bütün aidiyyatı qurumlarla əlaqələri gücləndirib: “Ölkə Prezidentinin müvafiq tapşırığına əsasən, aidiyyatı qurumlar müvafiq qurumlarla əlaqəli şəkildə işləyərək həm Operativ Qərargah, həm yerli icra hakimiyyəti orqanları, həm karantin rejiminə nəzarət edən Daxili İşlər Nazirliyi, o cümlədən fermer kartlarının paylanılması ilə bağlı “Kapital Bank” ASC və təchizatçı şirkətlərlə əlaqələrimizi gücləndirmişik. Çalışırıq ki, bu dəyən ziyanı minimuma endirək. Kənd təsərrüfatı məhsulları istehsalçıları, fermerlər bu pandemiyadan minimum zərərlə çıxsın”.

Report

Oxşar xəbərlər