First slide

Azərbaycandakı kredit ittifaqları ötən ili zərərlə başa vurub

25 Jan 2023 rating_stars rating_stars rating_stars rating_stars rating_stars

Azərbaycandakı kredit ittifaqları 2022-ci ili 0,1 milyon manat zərərlə başa vurub. Halbuki, kredit ittifaqları 2021-ci ildən 0,1 milyon manat xalis mənfəətlə çıxmışdı.

Press.az bu barədə Azərbaycan Mərkəzi Bankına istinadən xəbər verir.

Ötən il kredit ittifaqlarının gəlirləri 2,4 milyon manat (əvvəlki illə müqayisədə 4,35 % çox), xərcləri 1,3 milyon manat (21,15 % çox), xüsusi ehtiyatlara ayırmaları 1,1 milyon manat (3,6 % az), mənfəət vergisi ödəmələri isə 0,1 milyon manat (dəyişməyib) təşkil edib.

Bu il yanvarın 1-nə kredit ittifaqlarının aktivləri 13,4 milyon manat olub ki, bu da 1 il əvvələ nisbətən 6,3 % azdır. Bunun 11,3 milyon manatı müştərilərə verilmiş xalis kreditlərdir. Son 1 ildə sektorun kredit portfeli 7,4 % kiçilib.

Hesabat dövründə kredit ittifaqlarının öhdəlikləri 24 % azalaraq 3,8 milyon manata düşüb, balans kapitalı isə 3,2 % artaraq 9,6 milyon manata çatıb.

Oxşar xəbərlər
OTACI