Bitkoinin qiyməti 10 %-dən çox artıb

Bitkoin hərrac sessiyası zamanı 10,30 % artaraq 20,721 min dollara çatıb.

Bu, Bakı vaxtı ilə saat 05:30-da “Coindesk” saytında öz əksini tapıb.

Bakı vaxtı ilə saat 05:35-ə olan məlumata görə, bitkoinin məzənnəsi artmaqda davam edib və 20,793 min dollar (+10,84 %) səviyyəsində olub.

Bitkoin blokçeyn texnologiyasına əsaslanan eyniadlı kriptovalyutanın mərkəzləşdirilməmiş sistemidir və sistemin üzvü olan istənilən istifadəçi tərəfindən emitasiya edilə bilər. Bunun üçün sistemin yeni bloklarını yaratmaq lazımdır.

Sistemin konsepsiyası 2008-ci ilin noyabrında Satosi Nakamoto ləqəbi ilə onun müəllifi (ehtimal ki, müəlliflər qrupu) tərəfindən nəşr edilib. Bitkoinin emissiyası təbii olaraq məhduddur, hazırda bitkoinlərin çoxu artıq emitasiya edilib.