Avropada qazın qiyməti 900 dollardan aşağı düşüb

Avropada qazın qiyməti 24 sentyabrdan bəri ilk dəfə 1000 kubmetr üçün 900 dollardan aşağı düşüb.

Press.az Trend-ə istinadən bildirir ki, bu barədə Londonun "ICE" birjasının məlumatlarında deyilir.

Məlumata əsasən, saat 19:42-də Niderlandın TTF habında noyabr fyuçerslərinin qiyməti min kubmetr üçün 897,8 dollar təşkil edib.

Bildirilir ki, qiymətdə son 1 gündə qeydə alınan ümumi azalma 14 faiz təşkil edib.

Oktyabrın 27-si Avropada qaz 1000 kubmetr üçün 1040 dollar səviyyəsində alınıb satılıb.