"Qarabağ" Avro-2020-nin qrup mərhələsinin ilk turunda Finlandiya ilə matçda huşunu itirən Danimarka millisinin futbolçusu Kristian Eriksenlə bağlı paylaşım edib.
Press.az xəbər verir ki, Ağdam təmsilçisi rəsmi "Feysbuk" səhifəsində 29 yaşlı hücumameyilli yarımmüdafiəçinin "Tottenhem"də çıxış etdiyi vaxt 2014/2015 mövsümündə Avropa Liqasının qrup mərhələsində "Qarabağ"a qarşı oynadığı matçdan şəkil paylaşıb. Paylaşımda "Möhkəm ol, Eriksen!" sözləri yer alıb.
Qeyd edək ki, Eriksenin durumu sabitləşib.
Xatırladaq ki, Finlandiya - Danimaka görüşü Kristianın huşunu itirməsi səbəbindən təxirə salınıb.