"Barselona"dan Depaya yeni təklif

"Barselona" "Lion"un hücumçusu Memfis Depaya yeni müqavilə təklif edib.

Press.az xəbər verir ki, bu barədə italyan jurnalist Fabrizio Romano özünün "Tvitter" hesabında yazıb. Bildirilib ki, Kataloniya təmsilçisi niderlandlı oyunçu ilə 2024-cü ilin yayına qədər müqavilə imzalamaq istəyir.  "Barselona" danışıqlar apardığı, ancaq PSJ-yə keçməsi  seçən Jorjinyo Vaynaldumdakı kimi vəziyyətlə üzləşməmək üçün Depaya təklif olunan müqavilənin şərtlərini yaxşılaşdırıb.

Qeyd edək ki, 27 yaşlı oyunçu başa çatan mövsümdə "Lion"un heyətində bütün turnirlərdə 40 oyuna çıxıb,  22 qol vurub və 12 qolun ötürməsini verib.