Emre Belözoğlu “Fənərbaxça”dan ayrıldı

“Fənərbaxça” baş məşqçisi, eyni zamanda idman direktoru kimi fəaliyyət göstərən Emre Belözoğlu ilə yollarını ayırıb.

Press.az xəbər verir ki, bu barədə İstanbul klubunun mətbuat xidməti məlumat yayıb. Açıqlamada Emrenin klubla sözləşməsi bitdiyi və vəzifəsindən ayrıldığı bildirilib.

Bu ilin mart ayında Erol Bulut istefaya göndəriləndən sonra komanda Belözoğluna tapşırılmışdı. 

“Fənərbaxça” Superliqada geridə qalan mövsümü 82 xalla 3-cü pillədə başa vurub.

Qeyd edək ki, Emre müxtəlif mövsümlərdə ümumilikdə 7 il "Fənərbaxça"da çıxış edib.