"Qarabağ" Azərbaycan Premyer Liqasının 23-cü turunda "Səbail"lə oyunda ciddi itkilərlə üzləşib.
Press.az xəbər verir ki, rəqib komandanın futbolçusu Amil Yunanov 25-ci dəqiqədə top uğrunda mübarizə zamanı Ağdam klubunun qapıçısı Şahruddin Məhəmmədəliyevin başına ayağı ilə zərbə vurub. Bu vaxt millimizin qapıçısının başından qan açılıb. Meydanda həkimlər dərhal onun başında tikiş atıblar. Ş.Məhəmmədəliyev Emil Balayevlə məcburi əvəzlənib.
"Səbail"lə görüşdə"Qarabağ"ın yarımmüdafiəçisi Filip Ozobiç də zədələnib. O, 13-cü dəqiqədə meydanı tərk edib və Uroş Matiç meydana daxil olub.