Ançelottinin evi qarət edildi

"Everton"un baş məşqçisi Karlo Ançelottinin evi qarət edilib.

Press.az goal.com-a istinadən xəbər verir ki, hadisə ötən gün baş verib. 2 qarətçi 61 yaşlı mütəxəssisin Mersisayd bölgəsində yerləşən evindəki kassanı götürərək, qaçıb. Həmin vaxt evdə yalnız çalışdırıcının 36 yaşlı qızı olub. İngiltərə polisi faktla bağlı araşdırma aparır.

Qeyd edək ki, daha əvvəl Liverpul şəhərində eyni adlı komandanın futbolçusu Fasbinyonun da evi qarət olunmuşdu.