Dörd futbolçu Türkiyə millisinin heyətindən çıxarıldı

Türkiyə yığmasının Millətlər Liqasının qrup mərhələsinin sonuncu turunda Macarıstanla səfər oyunu üçün heyəti açıqlanıb.

Press.az xəbər verir ki, yekun heyətdə dörd futbolçunun adı yer almayıb.

Rusiya ilə oyunda (3:2) zədələnərək meydanı tərk edən Zeki Çelik Macarıstana aparılmayacaq. Bu oyunda sarı vərəqə almaqla cəzalı duruma düşən Cengiz Ünder də heyətdən kənarlaşdırılıb. Bu iki futbolçu ilə yanaşı, Enes Ünal və Çağlar Söyüncünün də adı heyətdə yer almayıb.

Qeyd edək ki, Macarıstan – Türkiyə matçı noyabrın 18-də keçiriləcək.