"İstədiyimiz nəticəni əldə etdik. Çünkü qrupun digər oyununda Lüksemburq millisinin xal itirməsi işimizə yarayırdı".
Press.az xəbər verir ki, bunu Monteneqro yığmasının baş məşqçisi Faruk Hacibegiç UEFA Millətlər Liqasının qrup mərhələsinin V turunda Azərbaycanla qolsuz bərabərə qaldıqları oyundan sonra keçirilən mətbuat konfransında deyib.
63 yaşlı mütəxəssis hər iki komandanın yaxşı oyun göstərdiyini bildirib: "Komandalar bütün bacarığını nümayiş etdirdi. Məncə, nəticə hər iki komanda üçün ədalətli oldu".