Millimiz Kiprlə oyuna itki ilə çıxacaq

Azərbaycan millisi UEFA Millətlər Liqasının IV turunun Kiprlə oyununa ciddi itki ilə çıxacaq.

Press.az xəbər verir ki, komandamızın müdafiəçisi Bədavi Hüseynov cəzalı duruma düşüb. Monteneqro ilə oyunun 41-ci dəqiqəsində sarı vərəqə ilə cəzalanan "Qarabağ"ın üzvü limiti doldurub. Bu səbəbdən Kiprlə oyunu buraxacaq.

Qeyd edək ki, Bədavi ilk dəfə sentyabrın 8-də Kiprə səfərdə 1:0 hesabı ilə qalib gəldikləri qarşılaşmada sarı vərəqə almışdı.

Onu da qeyd edək ki, Kiprlə qarşıdakı görüş okyabrın 13-də Albaniyanın Elbasan şəhərindəki eyniadlı stadionda olacaq.