"Zirə" və "Səbail"dan əzmkar qələbə - Yenilənib

Bu gün Azərbaycan Premyer Liqasında 4-ci turun növbəti qarşılaşmaları keçirilib.

Press.az xəbər verir ki, ikinci oyun günündə 2 matç keçirilib.  “Səbail” doğma meydanda “Sabah”ı qəbul edib və 2:1 hesabı ilə qalib gəlib.  Bu, "Səbail"in 2020/2021 mövsümündə ölkə çempionatında ilk qələbəsi olub.

Digər oyunda “Zirə” “ASK Arena”da “Keşlə”nin qonağı olub və rəqibini 3:2 hesabı ilə məğlub edib. Bu qələbə ilə Rəşad Sadıqovun baş məşqçisi olduğu komanda turnir cədvəlində 2-ci pilləyə yüksəlib.

Azərbaycan Premyer Liqası

4-ci tur

20:15. “Keşlə” – “Zirə” - 2:3

Qollar: Silvio Rodriqes, 10 (1:0), Klesio Bauk, 21 (1:1), Dmitro Klots, 54 (2:1), Klesio Bauk, 68 (2:2), Davit Volkov, 79-pen (2:3)

Hakimlər: Rəvan Həmzəzadə, Rahil Ramazanov, Cavanşir Yusifov, Namiq Bəkirov

“ASK Arena”

18:00. “Səbail” – “Sabah” - 2:1

Qollar: Ramil Şeydayev, 27-pen (0:1), Əfran İsmayılov, 56-pen (1:1), Rauf Əliyev, 71 (2:1)

Hakimlər: Elçin Məsiyev, Elşad Abdullayev, Kamran Bayramov, Tural Qurbanov

 “ASKO Arena”