Kasilyas karyerasını başa vurdu

"Real"ın və "Portu"nun sabiq qapıçısı İker Kasilyas karyerasını başa vurub.

Press.az xəbər verir ki, bu barədə 39 yaşlı qolkiper özünün "Tvitter" hesabında yazıb.

Qeyd edək ki, Kasilyas 2019-cu ilin mayında "Portu"nun məşqində infarkt keçirmişdi. Bundan sonra o, matçlarda iştirak etməyib.

Xatırladaq ki, "Real"ın yetirməsi olan Kasilyas Madrid təmsilçisində 510 oyuna çıxıb və 2015-ci ildə klubdan ayrılıb. O, İspaniya millisi ilə 2010-ci ildə dünya 2008,2012-ci illərdə Avropa çempionu olub. Kasilyas 2015-ci ildən  "Portu"da oynayırdı.

Əlavə edək ki, Kasilyasın "Real"ın prezidenti Florentino Peresin müşaviri olacağı gözlənilir.