Pepdən UEFA-ya mesaj

“Mançester Siti”nin baş məşqçisi Xosep Qvardiola bildirib ki, futbolçuları yeni mövsümdə Çempionlar Liqası yarışında oynamağı haqq edirlər.

Press.az xəbər verir ki, o, “Sky Sports”a müsahibəsinə deyib: “Hazırda yaxşı vəziyyətdəyik. Həm Premyer Liqa, həm də Çempionlar Liqasına tam hazırıq. ÇL-də oynamaq haqqımızdır. Futbolçularım son 6-7 ildə bu nəticəni əldə ediblər. Biz bu uğurları meydanda qazanmışıq. Ümid edirəm ki, bazar ertəsi günü UEFA komandamızın növbəti mövsüm ÇL-də oynamasına icazə verər”.

Qeyd edək ki, sabah İdman Arbitraj Məhkəməi (CAS) “Mançester Siti”nin şikayətinə baxacaq. İddia olunur ki, CAS şikayəti klubun xeyrinə həll edəcək.

Xatırladaq ki, UEFA “Siti”nin maliyyə feyr-pley qaydalarını əsas gətirərək klubu növbəti avrokubok turnirlərindən uzaqlaşdırıb.