Renat “Vulverhempton”un əsas komandasında

Azərbaycan millisinin üzvü Renat Dadaşovun çıxış etdiyi “Vulverhepmton” hücumçusu Brayt Enobokare ilə yollarını ayırıb.

Press.az İngiltərə mətbuatına istinadən xəbər verir ki, iki ildə qol hesabını aça bilməyən nigeriyalı forvardın  müqaviləsi yenilənməyib.

Baş məşqçi Nunu Eşpiritunun klubun U-23 komandasında çıxış edən hücumçular - Raul Ximenes, Leonardo Kampanya və Renat Dadaşova üstünlük verəcəyi qeyd olunub.

Qeyd edək ki, “Vulverhempton”un əsas komandasında debüt etməyən 21 yaşlı Dadaşov bu mövsüm U-23-də ümumilikdə 7 qol vurub.