Finalın İstanbuldan alınacağı xəbərlərinə - UEFA-dan reaksiya

Bu mövsüm Çempionlar Liqasının finalının ev sahibliyinin İstanbuldan alınaraq başqa ölkənin şəhərinə veriləcəyi haqda xarici mediada yayılan xəbərlərə UEFA münasibət bildirib.

Press.az xəbər verir ki, qurumun mətbuat xidmətindən qeyd edilib ki, yarışın tarixi və formatı ilə bağlı klub, liqa və milli assosiasiya nümayəndələrinin daxil olduğu işçi qrupunda müzakirə aparılır: “Hazırda heç bir qərar verilməyib. Qərar iyunun 17-də qəbul ediləcək”.

Daha öncə yayılan məlumatlara görə, Türkiyə koronavirus pandemiyası səbəbindən epidemioloji təhlükəsizliyə təminat verə bilməyib. Buna görə də final başqa ölkədə keçiriləcək.