La Liqada yeni mövsüm sentyabrda başlayacaq

İspaniya La Liqasında 2020/2021 mövsümünün başlayacağı tarix açıqlanıb.

Press.az xəbər verir ki, La Liqanın prezidenti Xavyer Tebas "Marca"ya açıqlamasında yeni mövsümə sentyabrın 12-də start verməyi planlaşdırdıqlarını deyib.

Tebas həmçinin, martda dayandırılan çempionatın iyunun 11-də bərpa olunacağını da xatırladıb.

Qeyd edək ki, La Liqada turnir cədvəlinə 58 xalla "Barselona" başçılıq edir. "Real" 56 xalla 2-cidir.