Haalandın fiziki durumu ilə bağlı maraqlı fakt – Məşqçisi açıqladı

Dortmund “Borussiya”sının futbolçusu Erlinq Haalandın şəxsi məşqçisi Borre Stinslis bildirib ki, norveçli oyunçu qısa müddətdə fiziki formasını əhəmiyyətli dərəcədə yaxşılaşdırıb.

Press.az xəbər verir ki, o, bu haqda “Corriere dello Sport”a müsahibəsində bildirib. Borre Stinslisin sözlərinə görə, 19 yaşlı hücumçu 15 ayda 12 kiloqram əzələ kütləsi yığıb:

“Bu, inanılmaz göstəricidir və vacib idi. Çünki Erlinqin boyu qısa müddətdə 12 sm. artıb. Onun bədəni genetik olaraq məşq meyllidir. Ona görə də çox çalışmalı idik. Erlinq bufetdə hamıdan öndə dururdu və qabı daim dolu olurdu”.