PSJ-nin prezidentindən Ronaldo açıqlaması

PSJ-nin prezidenti Nasser Əl-Xəlafi "Yuventus"un hücumçusu Kriştiano Ronaldo haqqında danışıb.

Press.az xəbər verir ki, "France Football"a danışan klub rəhbəri portuqaliyalı oyunçu barədə müsbət fikirlər səsləndirib: 

"Ronaldo ildən-ilə özünəməxsus qətiyyət və fövqəladə xarakter nümayiş etdirir. Hər gün inkişaf etmək istəyi sayəsində motivasiyanı saxlayır. Kriştiano daim sərhədlərini aşır.

Mən bu yorulmaq bilməyən iradəyə heyran qalıram. O, gələcəyin bütün idmançıları üçün əla nümunədir".