Həftədə 3 oyun keçirməyə hazırdırlar – La Liqadan 3 yenilik

İspaniyada 2019/20 mövsümünü bitirməkdə qətidirlər.

Press.az “Marca”ya istinadən xəbər verir ki, liqa rəhbərliyi və klublar üç variant üzərində düşünürlər.

Birinci variant. Mövsüm mayın ortasında başlayır, iyulda isə başa çatır. Klublar həftədə üç oyun keçirməyə hazırdılar. Həmçinin matçların azarkeşsiz keçirilməsi təklifini qəbul edirlər.

İkinci variant. La Liqa yayda bərpa olunur, sentyabrda isə başa çatdırılır.

Üçüncü variant. Koronavirusun yayılması davam etsə, mövsüm sentyabrda bərpa olunacaq. Yeni mövsümün startı isə daha gec tarixə təyin ediləcək.

Qeyd edək ki, İspaniya koronavirus pandemiyasının ən geniş yayıldığı ölkələrdəndr. Martın 28-nə olan məlumata görə, orada virusa 65 min nəfər yoluxub, 5 min nəfər dünyasını dəyişib.