İngiltərə Premyer Liqasında fevral ayının ən yaxşı məşqçisi müəyyənləşib.
Press.az liqanın saytına istinadən xəbər verir ki, "Bernli"nin çalışdırıcısı Şon Dayç ötən ayın ən yaxşı seçilib. O, bu mükafat uğrunda mübarizədə Mikel Arteta ("Arsenal"), Ole-Qunnar Sulşer ("Mançester Yunayted") və Kris Uelderi ("Şeffild Yunayted") qabaqlayıb. Beləliklə, 48 yaşlı mütəxəssis karyerasında ikinci dəfə ayın ən yaxşı məşqçisi seçilib.
Qeyd edək ki, "Bernli" fevralda ölkə çempionatında heç bir matçda uduzmayıb. Komanda Dayçın rəhbərliyi altında "Arsenal", "Nyukasl" və "Tottenhem"lə heç-heçə edib, "Sauthempton" və "Bornmut"a qalib gəlib.