İbrahimoviç "Yuventus"la cavab oyununu buraxacaq

“Milan” İtaliya kubokunun yarımfinalında “Yuventus”la oyuna ciddi itki ilə çıxacaq.

Press.az xəbər verir ki, komandanın lideri Zlatan İbrahimoviç bu vacib matçı buraxacaq. İsveçli hücumçu ötən gün keçirilən ilk görüşdə (1:1) sarı vərəqə alaraq cəzalı duruma düşüb. O, ilk sarı vərəqəsini 1/4 finalda “Torino” ilə görüşdə almışdı.

Həmçinin, dünənki matçda qırmızı vərəqə alan Teo Hernandes də "Yuventsus"la oyunda komandasına kömək edə bilməyəcək.

Qeyd edək ki, “Milan”la “Yuventus” arasında cavab matçı martın 4-də Turində keçiriləcək.