PSJ Leo Messinin gedişindən sonra iki yeni transferə hazırlaşır.
Press.az xəbər verir ki, Marko Asensio və Manuel Uqarte Parisdə tibbi müayinədən keçir. Oyunçular qısa müddətdə PSJ ilə rəsmi müqavilə imzalayacaq.
"Real Madrid"lə başa çatan müqaviləsini yeniləməyən Asensio azad agent kimi Paris təmsilçisinə qoşulur. İspan forvard "Real Madrid"lə 51 oyuna çıxıb, 12 qol və 8 assistə imza atıb.
Müdafiəyəmeyilli mərkəz yarımmüdafiəçisi olan 22 yaşlı Uqarte isə cari mövsüm "Sportinq"in (Lissabon) heyətində 47 oyuna çıxıb. PSJ onun üçün Portuqaliya klubuna 60 milyon avro ödəyəcək.