"Sumqayıt" daha 2 futbolçusu ilə yolları ayırdı

"Sumqayıt" 2 futbolçusu ilə yollarını ayırıb.

Press.az xəbər verir ki, bu barədə klubun saytı məlumat yayıb. 27 yaşlı qapıçı Aydın Bayramov və 22 yaşlı yarımmüdafiəçi Rüfət Abdullazadə ilə “Sumqayıt” arasında imzalanmış müqavilənin müddəti başa çatıb. Sözləşmələr yenilənməyib.

Klub hər iki futbolçuya göstərdikləri xidmətlərə görə təşəkkür edib.

Qeyd edək ki, Aydın Bayramov 2019-cu ildən gənclik şəhəri təmsilçisinin formasını geyinir. Rüfət Abdullazadə isə bu klubun yetirməsidir və 2017-ci ildən əsas komandada oynayır.

Qeyd edək ki, "Sumqayıt" bu gün Süleyman Əhmədovla da vidalaşıb.